火鍋英雄 (已結業)

這間火鍋店一直都有很多同事跟我推薦話好食，所以今晚訂定枱，跟友人黎品嚐一下!餐廳座位都幾多，而且裝修帶點中國風。一出升降機便見到左手邊有一自助醬料區，有很多不同的醬料可供調配，重點是有出面很少會見到的炸菜。座低後店員為我們呈上餐前小食8小碟，包括有木耳、海帶、蓮藕、青瓜等，很開胃！火鍋湯底都有很多不同的選擇，而我和友人都喜歡醉雞，所以便點了醉雞窩做湯底。二十五年陳年花雕醉烏雞鍋，湯底上枱時已經聞好濃的花雕酒味，烏雞是另上的，湯底滾後便可落烏雞!烏雞雞肉嫩滑，而且有一整隻烏雞，好足料!湯底好清甜，好香酒味!湯入面仲有龍眼肉、杞子等藥材，非常滋補!火鍋配料亦有好多選擇!我們點了肥牛、黑豚肉、四寶丸、豬爽喉、韮菜餃、響鈴、蔬菜籃同埋紹粉。美國極品肥牛，顏色鮮嫩，油脂分佈平均，肉質鬆軟，牛肉味濃！招牌四寶丸包括鯪魚丸、牛丸、蝦丸、墨魚丸，當中蝦丸好香蝦味，爽口彈牙！豬爽喉口感爽口彈牙，有少少似食緊好薄既魷魚，幾特別！韮菜餃非常多餡，好香韮菜味，每粒都脹卜卜！下次要黎試下佢既酸菜魚同麻辣湯底！