喜多嬉牡蠣屋 (已搬遷) 新店位置

拍拖紀念日同老公揀左間中環食蠔專門店，見佢有任食日本生蠔同燒蠔，餐廳亦講到明材料係日本直送，肯定有保証。小店細細間好彩訂左位，坐低揀左招牌任食套餐；雖然種類唔算好多選擇，但勝左除左蠔同鮮貝，仲有烏冬同燒肉串，飲品仲可以揀自家製既凍釀茶，蜜桃烏龍清甜又解膩，好適合。先上左9格既前菜打卡，全部材料都好有水準，熟食有月見醬油雞肉串，燒鰻魚等等。重頭戲當然係新鮮大大隻生蠔，面頭加左酸味既啫喱，同微辣既蘿蔔蓉，加上浸住海水既生蠔，係滿分既食法！一隻緊係唔夠喉，立即食幾多叫幾多！最後叫左熟食串燒都好味，簡單鹽燒雞肉多汁又脆皮。