祥興麵家 (已結業)

每一次路經，都見到佢哋將成攞蟹及田雞放响門口做selling point。去親鴨記除咗買電池及儀器之外，就算要食嘢都只會去合益泰督腸粉及新香園食蛋牛治。今日想有D新意，就入去試吓碗田雞粥...雖然好想好想叫埋蟹粥，但實在太多，驚食唔晒。浪費食物，絕對係罪過...粥底頗綿，食落好淡口，感覺好"清"，食唔到師傅嘅存在，仲有榨菜粒吊味，水準算不錯；田雞即劏即食，算幾新鮮，不過肉不夠結實。始終時至今日，要揾到走地田雞，談何容易...食粥梗要搭埋一碟腸粉先夠喉。是日叫嘅蝦米腸，夠足料，滑就當然不及旁邊嘅合益泰，但都還可以...下次來個雙併田雞蟹粥，甜上加甜...