意粉屋 (已結業)

好耐無去意粉屋，見今個月老友生日兼路過見到呢度開咗間分店，一於book位食番餐。食物質素水準都ok，與其他意粉屋出入不大，至於環境可能新開不久，不用等位也較寧靜，位與位之間闊落坐得舒服，幾好hea。重有不得不提呢度最好既係服務態度，細心又殷勤，經理還不時詢問客人意見，令人感覺重視，很好呢！是晚點選菜式如下：芝士焗茄子 ~ 芝士汁creamy略嫌茄子太少。香蒜田螺煙肉伴薯容 ~ 香濃惹味，汁伴菠菜口感清爽。蒜容包 ~ 脆口但蒜味不足。黑椒蜜汁雞翼 ~ 面脆皮，蜜汁豐富，香甜味美。小食拼盤 ~ 包括腸仔、洋葱圈、雞翼、越式春卷&薯條，整體味道普通一般。美式肉醬意大利粉 ~ 麵質爽滑軟硬適中，肉醬香濃惹味。芝士雞肉闊麵 ~ 芝士汁相當creamy又濃香，好味。超級什錦Pizza ~ 一般。醬燒豬仔骨 ~ 香甜惹味，分量較大。朱古力溶岩蛋糕伴雪糕 ~ 蛋糕用上度數較高既朱古力做，食落不太甜兼有回甘，伴雪糕食一流。蜜桃批伴雪糕 ~ 批底鬆化，連雪糕同吃好味道。