影片
更多
2010-09-22
24 瀏覽
9月14日朋友生日,佢一心想嚟呢度,由於去年生日已經安排好嚟呢度飲嘢慶祝,點知打風取消了,所以今年想再嚟,一早訂定位,要求坐窗口位,接線員都好好服務,不停推介我食6道菜配6款酒的晚餐,但我地想散叫多D,於是冇訂到啦.好彩今年天氣好好,可以照常進行朋友的生日飯聚呀,8點上到去,竟然已好多人,比我地預期的FULL呀,好彩係一早訂左位,他們預留了近窗邊的位置,望晒成個維多利亞港,實在好靚,餐廳環境紛暗,好舒服及有情調呀.我們一行五人就慢慢地細閱餐牌,仕應服務都好好,我們先飲一樽礦泉水,跟住再慢慢ORDER食物,經過一輪商量後,我們就叫左下面既食物啦.麵包(送既)配幾種唔同味道的牛油及醬,有蕃茄味,原味,香草味的牛油,有蕃茄乾醬及檻欖醬,都幾特別及好味呀,麵包有幾種口味,都軟淋淋架,配些唔同既牛油及醬,還有檻欖油,GOOD.凱撒沙律-這個都好味呀,有一件應該係多士,一些菜及芝士,好味呀,芝士咸咸地加埋些沙律菜一齊食正.BIBB沙律-有種菜叫BIBB,中文唔知係咩,好味喎,原來係配羊奶芝士一齊食架,初初都唔知係羊奶,但食食下好酥,跟住就知啦,但味道都可以接受呀.SEAFOOD COMBO-有三層
好彩今年天氣好好,可以照常進行朋友的生日飯聚呀,8點上到去,竟然已好多人,比我地預期的FULL呀,好彩係一早訂左位,他們預留了近窗邊的位置,望晒成個維多利亞港,實在好靚,餐廳環境紛暗,好舒服及有情調呀.我們一行五人就慢慢地細閱餐牌,仕應服務都好好,我們先飲一樽礦泉水,跟住再慢慢ORDER食物,經過一輪商量後,我們就叫左下面既食物啦.
麵包(送既)配幾種唔同味道的牛油及醬,有蕃茄味,原味,香草味的牛油,有蕃茄乾醬及檻欖醬,都幾特別及好味呀,麵包有幾種口味,都軟淋淋架,配些唔同既牛油及醬,還有檻欖油,GOOD.
凱撒沙律-這個都好味呀,有一件應該係多士,一些菜及芝士,好味呀,芝士咸咸地加埋些沙律菜一齊食正.
BIBB沙律-有種菜叫BIBB,中文唔知係咩,好味喎,原來係配羊奶芝士一齊食架,初初都唔知係羊奶,但食食下好酥,跟住就知啦,但味道都可以接受呀.
SEAFOOD COMBO-有三層的,第一層係長腳蟹,龍蝦,大蝦,第二層係帶子,鮑魚,螺,還有生蠔,最尾果層係醬,有海鮮醬,青芥辣醬,同埋醋,其實唔算好多,味道都唔算好新鮮喎,朋友話帶子唔爽的,一般貨色,鮑魚好味的,都幾鮮甜,長腳蟹,龍蝦都一般啦,唔算好新鮮呀.螺則好味及爽口,大蝦好大隻但都係一樣一般啦,這個海鮮拼盤無論係賣相,價錢及份量同我地食過的另一間有點差距,可能是這樣所以我地都要求高左呀.
蜜糖煙肉卷-這個都好特別,係用煙肉加些蜜糖包住豬肉卷埋一齊去煎,好香口呀,都好淋身入味喎,加埋一些配菜,都係新鮮的配撘
黑松露寬條麵-這個好香黑松露味呀,好味及入味,D麵都好入味,雖然唔算大份及多料,但係好有口感,滿口是黑松露味道.
PORTERHOUSE-這塊牛好大塊,仲要好淋好入味添,好多肉汁,正呀.配一些豆角,甘笋做配菜,還有薯仔,仲要係千層薯仔,一層層的好特別及好味道呀,加些黃芥辣一齊食,帶出牛肉的鮮味.
SIDE DISH我地揀左磨菇粒,這個都好新鮮好味
我們還叫左一枝紅酒一齊飲,紅酒都幾易入口,入口辣辣地但飲落就唔覺得辣.我唔係好識飲紅酒及飲得好多,但朋友們都說這是好飲的呀
甜品:
香橙PANCAKE-都好香呀,但個PANCAKE有點硬身及唔太入味,雖然好多汁,但都係冇咩味,另有一個雪糕球係面.
暖心芝士蛋糕-朋友要求在這個蛋糕上插上蠟燭俾佢吹當生日蛋糕,仕應好好的問她名稱,在蛋糕上還加了塊生日牌添呀.這個好味,以為係流心士多啤梨啦,點知原來係配士多啤梨醬,唔係好甜但味道係啱啱好.
我地坐左好耐,周圍影相,仕應都好好的替我們拍照,服務好好,環境清靜,是一個不錯的地方.
張貼
