Wheatfield X 羅宋湯專門店 (MOKO新世紀廣場) (已結業)

睇到電梯口嘅廣告牌，相片好吸引，一直想試，今日聖誕節，趕住去玩，就嚟試吓啦～無諗過咁簡單嘅食物都會出晒事～仲有咁多好評，我實在係開始懷疑人生！首先係羅宋湯，其實都好濃夠辣，加咗兩片豬脾肉，我就唔明喇，兩片肉嚡口又硬，好哋哋加入去做乜呢？個湯嘅辣度唔低，我自己食到辣嘅，但食唔到嘅人就無謂挑戰喇。另外主菜係個豬扒包，單點＄5x幾蚊，質素如圖，豬扒薄如紙，味道有滿滿嘅雪藏味，諗住用蕃茄嚟遮住佢?咪咁天真啦～呢個餐就咁收你＄88，值得咩？