那個ㄋㄚˋ ㄍㄜ (軒尼詩道)

營業中

休息中

新店裝修幾靚，入去坐發覺去廁所條通道幾個大回收箱放喺度，冇遮無掩。自助QR code落單，版面亂，睇紙版Menu有啲有圖冇字冇價錢，搞咗好耐先落到單。嘢食係勁大份，似係用份量嚟推高個價錢，「那個滷排骨便當」有配菜粉絲，排骨預切¾左右，冇切到尾，要自己切，但係一大碗飯上面冇乜位俾你切。另外嗌咗個三星蔥餅，入邊勁少蔥，個餅好煙靭，唔係熟悉嘅台灣味，埋單106。嘢食都幾重味，枱面有幾款調味料俾你自由配搭，冇水飲，埋單走咗先發現跟餐杯嘢飲冇出。最後，入口係趟門，不過唔係自動，有時開咗冇人閂，隻門就長開，店員愛理不理，自己都冇手尾，走晒啲冷氣，食食吓飯你會聽到巴士埋站聲聞到馬路廢氣。