新光潮州菜館

營業中

休息中

朋友生日，預早買咗團購一試這間盛傳有名的潮州菜，知道團購係平嘢特登食早D以免阻著人張檯。六點半去到，全場無客，點知七點半食完，全場都只得六成客，但以其服務態度和出品，再加上正價的昂貴，六成客算OK嘞。餐單有九味包括：鹵水拼盆，豉椒炒蜆，椒鹽九肚魚，川椒雞，方魚炒油蜜菜，避風塘炒蟹，豉油皇炒麵，蠔仔肉碎粥，綠豆沙。鹵水拼盆，鵝腸夠爽，豆腐算夠香，鹵豬肉夠入味，但紅腸煮得太老，而整個菜的鹵水都就咸到無朋友。豉椒炒蜆，蜆肉細，完全無鮮味，入口勁咸，更兼D蜆殼多過肉。椒鹽九肚魚，上檯唔夠熱，入口的脆口感覺不足，可能做起放久了才上檯，但內裏魚仍算嫩滑。川椒雞，雞肉過老，味不足，只食到咸味，非常失敗之作。方魚炒油蜜菜，方魚入口可以杉親口，可知其失敗之處，油也落得太多。避風塘炒蟹，干葱蒜粒算是做得不錯，但蟹本身極有問題，似是分開做的樣子，干葱蒜粒味濃甘香，但蟹却食不到其風味，其間朋友夾起一件蟹，發現蟹件中間有黑色異物，剛巧有待應行過，就問他知不知到中間黑色有無問題，他竟然答『你覺得有問題咪唔好食囉！』如此態度、如此答案，真是一絕。豉油皇炒麵，麵炒得夠干身，也不算太咸，入口有彈性、有咬口，略嫌不夠熱。