影片
更多
2019-05-24
568 瀏覽
今日工作關係得個零鐘頭食飯，行過門口見到冇乜人排隊，就入去諗住試下。我地叫左兩個set lunch，一個海南雞絲湯河加椰青，一個大蝦炒金邊粉加柚子茶。我地12：45入座，個海南雞絲湯河好快就黎左。但係個大蝦炒金邊粉就遲遲未黎。我地等左半個鐘，到左13:15個金邊粉都仲未有，呢個時候，個湯河已經食完，lunchtime都差唔多完結，大家都要趕時間返公司做野。呢半個鐘入面，我地已經向職員＋經理催過至少3次，但係完全冇回音，我連係漏單定係落錯都唔知。所有員工都表現得好唔helpful，完全係敷衍緊我地。我見等左半個鐘都冇野食，唯有叫埋單＋取消我個炒粉。點知呢間餐廳連埋單都唔俾，埋單都要叫幾次、等足2個字先有人理。就係呢個時候，個大蝦炒金邊粉終於黎到，我見仲有少少時間，應該可以快食埋佢，但我咬左一啖隻蝦，佢竟然可以由內至外都係凍冰冰。不禁令人疑問，其實呢間餐廳係咪真係有心想做生意？點解一碟得兩隻蝦咁大把既炒粉，等左半個幾鐘，suppose應該係岩岩整好送上黎，點知佢係凍冰冰！？可能我係少數咁唔好彩既客人，我地即刻起身埋單，經理話取消個餐，餐飲要計正價，ok fine。我以為我個柚子茶貴極都係廿
我見等左半個鐘都冇野食，唯有叫埋單＋取消我個炒粉。點知呢間餐廳連埋單都唔俾，埋單都要叫幾次、等足2個字先有人理。就係呢個時候，個大蝦炒金邊粉終於黎到，我見仲有少少時間，應該可以快食埋佢，但我咬左一啖隻蝦，佢竟然可以由內至外都係凍冰冰。不禁令人疑問，其實呢間餐廳係咪真係有心想做生意？點解一碟得兩隻蝦咁大把既炒粉，等左半個幾鐘，suppose應該係岩岩整好送上黎，點知佢係凍冰冰！？
可能我係少數咁唔好彩既客人，我地即刻起身埋單，經理話取消個餐，餐飲要計正價，ok fine。我以為我個柚子茶貴極都係廿零蚊，但經理哥哥話「要40蚊喎！！」我話洗唔洗40咁貴，我成個lunch冇食任何野都要俾40你咪好好賺。原來佢當左個椰青係跟我個餐，我唔知有心定無意啦，都費事嘈。
總結：送都唔食
題外話/補充資料：
漏單、錯單，應有盡有
(以上食評乃用戶個人意見 , 並不代表OpenRice之觀點。)
張貼