森巴餐廳 (已結業)

星期日晚的森巴，食客不多，有鬼佬幾雙。一行二人，點兩份水晶餐，即每人三個頭盤加一個主菜。每位盛惠$148。一切從頭說起，先來一個芝士包仔，其實好似麵包舖的芝士波，但質感較重，細細粒熱辣辣，口感煙韌，塗上橙色牛油(應該係牛油呱)，真係幾好味。前菜﹕都ok試得過，上碟做得唔錯，有酒店feel。鵝肝不過不失，隻珍寶蠔啲汁，味道好似中式牛柳，感覺奇趣。湯﹕普遍。主菜﹕寶雲酥牛柳和豬肋骨，水準回落，似普通花園扒餐質素。甜品﹕我選了Tiramisu及芝士餅，細細件，都有Starbuck水準。如果唔大食的話，以上呢個餐剛剛飽，想叫多客芝士包都食唔落了。最後，講下裝修和服務，招呼算係咁，外面其實夠開揚，係超級食煙區和大集會區，會嘈啲、大煙啲，真係有辣有唔辣。裡面非吸煙區，裝飾流流地，但別有一番(老土)景致，幾張大大的森巴女郎肉照坐鎮，係播啲歌out得滯(可能想襯返個景)。總之試一次半次，可；成日食，咪拘。