影片
更多
2019-03-27
913 瀏覽
唔使等母親節，平時都應該請媽媽食好西。今次我就同媽媽去了位於上環荷李活道188號地下的 LLB Bistro。這間餐廳用落玻璃，座位有門外的高枱位，有餐廳內的正常座位和Bar枱高櫈位。同長輩一起，當然揀正常座位吧。不過，如果同外國朋友或年輕人食，我就會揀門外的高枱位，夠開揚，夠chill。雖然餐廳用了全英文餐牌，但店員好nice，如果我問，佢地會好有耐性咁講解。我點了lunch set的 芝士豬柳粒通粉配 餐湯。媽媽揀了 牛排薯條配 [CHEF'S SALAD] 沙律。整體來講所有食物都好靚好精緻，餐廳裝修又很古典，有書架、吧枱、酒架，媽媽很喜歡，不斷叫我影佢同食物和餐廳的佈置，還叫我立即幫她上載到Facebook。店員給了餐包，烘得很脆，我和媽媽share食。餐湯是南瓜湯，很滑，又有南瓜味。沙律很新鮮，而且用的沙律菜都是頗高檔次的。一向沒特別喜愛通粉的，吃了這個芝士豬柳粒通粉，改變了我對通粉的看法。這裡的通粉很入味，軟硬適中，仍很有彈性，原來通粉都可以好好食。豬柳切成粒狀，易入口，不用切。豬柳粒夠腍，好味。至於牛排薯條，薯條是即炸厚薯條，啖啖薯肉又香脆。而牛排呢，本身店員是建議
這間餐廳用落玻璃，座位有門外的高枱位，有餐廳內的正常座位和Bar枱高櫈位。同長輩一起，當然揀正常座位吧。不過，如果同外國朋友或年輕人食，我就會揀門外的高枱位，夠開揚，夠chill。
雖然餐廳用了全英文餐牌，但店員好nice，如果我問，佢地會好有耐性咁講解。
我點了lunch set的 [MAC & CHEESE W/ SEARED PORK TENDERLOIN] 芝士豬柳粒通粉配 [SOUP OF THE DAY] 餐湯。媽媽揀了 [GRILLED AUS STRIP LOIN STEAK W/ TRUFFLE MASHED POTATO & CHIMICHURRI] 牛排薯條配 [CHEF'S SALAD] 沙律。
整體來講所有食物都好靚好精緻，餐廳裝修又很古典，有書架、吧枱、酒架，媽媽很喜歡，不斷叫我影佢同食物和餐廳的佈置，還叫我立即幫她上載到Facebook。
店員給了餐包，烘得很脆，我和媽媽share食。餐湯是南瓜湯，很滑，又有南瓜味。沙律很新鮮，而且用的沙律菜都是頗高檔次的。
一向沒特別喜愛通粉的，吃了這個芝士豬柳粒通粉，改變了我對通粉的看法。這裡的通粉很入味，軟硬適中，仍很有彈性，原來通粉都可以好好食。豬柳切成粒狀，易入口，不用切。豬柳粒夠腍，好味。
至於牛排薯條，薯條是即炸厚薯條，啖啖薯肉又香脆。而牛排呢，本身店員是建議五成熟的，我媽媽叫了7成就過龍了，後悔冇聽店員的建議。
飲品方面，我們加了$15叫熱 [CAFFE MOCHA]，熱的時候是咖啡味出D, 但放涼了就朱古力味出啲。另外，又加$20轉飲花茶 [RELAXATION]，佢入面有玫瑰，洋甘菊同蜜糖，除左relax，我覺得仲好養顏呀!
最後我們食一頓甜品作結，分別是 [DESSERT OF THE DAY] 焦糖燉蛋和 [APPLE CRUMBLE W/ VANILLA ICE CREAM] 雪糕蘋果批。好靚呀！蘋果批上面加了棵薄荷葉，好似盆栽咁，兩者都好食，燉蛋好滑，而蘋果批就有啲果仁碎，蘋果肉又豐富，好有口感。
對食物很有要求的媽媽都開口讚好，非常滿意。
張貼
