Tomacado 花廚

營業中

休息中

上星期同家姐撐枱腳，見到嚟呢度食飯嘅客人都係女性居多，咁靚嘅環境，周圍都係靚靚嘅鮮花，有邊個女人會唔鍾意？❣️午飯時間12點左右，可能附近寫字樓未放食晏，餐廳內未有爆滿嘅情況，我哋兩個仲係可以選擇自己喜歡嘅座位，坐低服務員好快就過嚟同我哋落單點餐，服務員態度非常友善同熱誠，而且落單後食物亦都好快送到。食物擺盤精美，襯上咁靚嘅環境，必定要打卡影返幾張靚相；店舖會定期搞一啲小活動，例如叫套餐會有香薰蠟燭送，香薰蠟燭嘅造型非常靚，完全配合花廚呢個名，下一次可以約埋幾個好姊妹，喺呢度靜靜地傾吓偈享受悠閒嘅美食。