德興酒家 (已結業)

好來都無同媽咪食飯，今日兩個人去咗德興食火鍋，８點幾去到，同知客講話訂咗兩個人，９點鐘，想提早食，佢話j無喎，我話我打過兩次來確定過既喎，佢話真係無喎，後來，佢都好好人，話一有二人位埋單就會俾我地．在等待期間，見到有部機入面裝咗ｄ竹蔗水，旁邊都有ｄ紙杯，供等位既人飲用，都幾好，唔知一向都有，還是現在先有，因為我之前食過兩、三次都唔見，不過每次都係去食宵夜既。大約等咗廿十分鐘都就有位，都好快，入到去見到好多人都叫咗豬骨煲，好開呀，好似有胡椒既味道，可惜我地兩個人食唔晒，而且又要叫其他野食，等下次多ｄ人先叫依個煲．所以今次清清地叫咗煲芫皮西蛋湯(不用加錢)，其實德興有好多湯底選擇，之前食過蘋果無花果雪耳湯底，真係唔錯．有一次加３８元要一個醉雞窩，不過就馬馬地，無咩酒味，寧願加錢要豬骨煲。我地兩個都好食得，叫咗好多野，其實火鍋，來來去去都係果ｄ，不過德興既肥牛都幾好，唔會只係得肥膏，都有牛肉既味道，而且火鍋料都幾好新鮮。當中最愛的是：肥牛、牛展、魚皮餃、花膠仔、花枝片、粟米、taro、鮮腐竹。我覺得依度既湯底好夠味道，講真唔使加醬料仲好食，只是鼓油就已經足夠，加太多其他既醬料，反而蓋過咗原有