影片
更多
2009-08-01
268 瀏覽
今日呀媽生日所以諗住食buffet過下癮見呢到講到好似好勁咁又多日本野食咁就試下la~book個時仲講埋有人生日好似有蛋糕仔送~~~~一坐低緊係立即開始廝殺行動~~!!!!!!!!Round1一開始當然試下d冷盤開下胃la生蠔~相中左邊個隻新鮮過右邊個隻@@海水味重少少~不過食完唔係好想encore海膽sushi~賣飛佛我覺得一件都幾多海膽好鮮甜味道幾濃在坐的舅父話可能係假= =點會咁好食{都唔知好嬲定好笑}腐皮sushi~塊皮唔會好韌甜甜地唔錯魚生好新鮮唔使多講Parma ham~賣飛佛之一也~幾濃肉味筋位略嫌有d咬唔開melon有{哈密}同{蜜}xd幾鮮甜既Round2食完生食下熟野先~蒜蓉唔知乜龍蝦仔~唔新鮮D肉梅梅地但蝦膏幾多甘甘地好香帶子~唔好食凍既= =但佢係熟食檔出現@@=而且冇乜味{龍蝦仔同帶子每次只可拿一隻}青口~size不大but幾鮮~我食左兩次都揀到比較煮的剛剛好既羊扒~呢個好食!!!煎到七成左右好嫩有少少騷騷地先好食炸蝦袋~皮炸得金黃酥脆~裡面既蝦膠出奇地彈牙tempura類~炸粉好
見呢到講到好似好勁咁又多日本野食咁就試下la~
book個時仲講埋有人生日好似有蛋糕仔送~~~~
一坐低緊係立即開始廝殺行動~~!!!!!!!!
Round1一開始當然試下d冷盤開下胃la
生蠔~相中左邊個隻新鮮過右邊個隻@@
海水味重少少~不過食完唔係好想encore
海膽sushi~賣飛佛我覺得一件都幾多海膽
好鮮甜味道幾濃
在坐的舅父話可能係假= =
點會咁好食{都唔知好嬲定好笑}
腐皮sushi~塊皮唔會好韌甜甜地唔錯
魚生好新鮮唔使多講
Parma ham~賣飛佛之一也~幾濃肉味筋位略嫌有d咬唔開
melon有{哈密}同{蜜}xd幾鮮甜既
Round2食完生食下熟野先~
蒜蓉唔知乜龍蝦仔~唔新鮮D肉梅梅地
但蝦膏幾多甘甘地好香
帶子~唔好食
凍既= =但佢係熟食檔出現@@=而且冇乜味{龍蝦仔同帶子每次只可拿一隻}
青口~size不大but幾鮮~我食左兩次都揀到比較煮的剛剛好既
羊扒~呢個好食!!!煎到七成左右好嫩有少少騷騷地先好食
炸蝦袋~皮炸得金黃酥脆~裡面既蝦膠出奇地彈牙
tempura類~炸粉好厚可以成塊甩出黎
隻炸蝦也是梅的蟹柳不需要多講~
南瓜唔夠軟~呀媽夾左茄子比我~呢個我覺得反而唔錯~夠軟糯
鰻魚蒸蛋~其實食buffet唔好食d平時食到既野ga
但我見佢好似好吸引咁所以咪夾lor xd
佢蒸的唔老~好滑冇氣泡係面gd~不過鰻魚好細粒
Round3今次都食熟野但唔知做乜encore左帶子龍蝦仔= =''
但青口好食所以再黎
避風塘軟殼蟹~呢個好脆~椒鹽味夠香口同埋好彩都有蟹肉食
鍾意食香口野既人可以試下
唔記得咩煮法既魷魚~見佢一隻一隻排得靚靚咁好似幾好食
但係食落唔得冇味之餘韌到似食魷魚味擦膠
食左一半頂唔順唔想再食
燒牛肉~呢個有肉汁~!外面燒到脆脆地但唔乾
個sauce幾帶到味encore之選
上海炒年糕~黎呢到食呢d野係咪作死??xd
不過本人鍾意食呢種texture既野冇計呢個好食wor~易入口
而且唔會炒的太乾呀太淋呀之類
不過就油左少少
Round4再食生野~encore sashimi同parma ham~
最紅色個隻sashimi冇乜味@@
todai甜蛋~比人寸食擦膠做乜= =
呢個咬落去裡面有d汁同幾鬆化係個外層比冷氣吹到乾乾地
煙鴨胸sushi~鴨胸塊皮夠多油脂夠甘香塊肉煙燻味幾入
試左個唔知smoky salmon定咩salmon~普普通通la
蟹柳shshi~肉質唔會梅晒或者鞋~冇乜特別感覺
帶子sushi~都ok wor~肉質很厚
南瓜卷~呢個值得推介~!南瓜離奇比tempura個d甜而且夠軟
而且輕輕炸過好香口細細件咁可以試
菠蘿~幾甜~冇晒個d硬位幾正
Round5黎多一次熟野~其實開始飽飽地{戰鬥力下降}
encore鰻魚蒸蛋~今次有鰻魚兩小粒xdddddd勁左
仲有encore年糕~今次冇咁油同冇比冷氣吹到乾左
試左海鮮炒飯~因為呀媽話好食{平buffet夾左飯黎食實比呀媽x爆}
呢個炒飯落左cheese有d似risotto~好濃香~d米熟透煙煙韌韌gd~
咕嚕雞球{哈哈冇人鬧我食呢d把鬼}
雞球有度好~(冇骨同懶係健康)反而佢個炸粉唔厚
炸完舊雞都有肉汁而且啖啖肉
sauce甜度適中~算係好食過好多酒樓架喇=]
可惜佢冇白飯供應xd
蛋黃香草煎salmon~佢煎得略嫌乾左少少
但魚香還在個綠色既汁救左佢
Round6黎到第六round已經幾full但甜品未食我係唔會投降!!!!!!
creme brulee~佢d焦糖厚左d不過冇燒到苦
個布丁唔太甜幾滑
合桃xxbrownie~外脆內軟~nuts都幾多
不過乾左d同埋朱古力可以再濃d就正
tiramisu~海棉蛋糕底~cheese夠滑夠rich但酒香爭d
無聊玩個朱古力噴泉~得綿花糖同薄荷cream cheese揀
試左綿花糖先~朱古力係black chocolate唔錯幾滑
豆腐cheese~上面係藍莓jam
豆腐味唔夠因為個jam搶左
Round7我個胃仲有小小空間><不過就爆架喇我食到第七round已經破record
同檯既人已經停晒手得我同老豆繼續搏鬥
蘆薈~同supermarlet買個一樣不過冇咁甜幾light
當係中場休息xd
rum酒朱古力蛋糕~好濃酒香冇交行貨wor
而且朱古力味係最重
咖啡puff~裡面滿晒custard不過唔滑~唔食冇蝕
家姐話個薄荷cream cheese幾得意
雖然我對薄荷麻麻
但黎得食buffet就咩都要試
佢冇點chocoate都話正
我見到佢座係d冰上面咁就點下chocolate整個脆皮la~
原來都真係唔錯薄荷味係慢慢出黎而且唔會話好攻鼻食牙膏咁xd
冰冰涼涼幾舒服~仲有個朱古力成功地形成脆皮~
係張相最底個個唔知咩布丁~呢個食落熱熱地
個底有類似焦糖既味道
好鬆軟~bake得剛好甜而不膩呢個真係好好食
勁鍾意佢夠熱而家諗起都好想食
HD雪糕~外來野當然好食
我就揀cookies雪糕加左脆米同朱古力醬~
Round7.5......點解係7.5?因為食到呢度我飽到想嘔= =
同埋我只食左souffle~
佢七點半先有~{我問個女仔既時候可能有好多人問左好多次la佢塊面黑黑地}
比你既時候有提你小心熱~~~~
個souffle升得幾好~幾香蛋味但唔夠滑身同普通左d lor
到最後個生日蛋糕冇黎到~不過唔緊要
有咁多野食都唔爭在la~
五個人加埋千八有找~
總括黎講Todai都係日式野較為出色~
熟食同甜品如果再好d就好喇
由於我星期五去食人唔算多
d野食refill得快
同埋如果d人夾亂左d野食d chef都會即刻排番靚
d staff都幾有禮貌
你食完幾快收碟
食食下突然有人埋黎比張紙我地寫低email
原來佢租約期滿要搵地方搬
到時有機會參加佢地既開幕buffet~
希望搵到la否則又有好多人失業ga la
張貼
