Cafe Charm's (已結業)

難得家姐放假，兩姐妹好耐冇出黎一齊食下野傾下計終於有機會約到佢～因為家姐做cafe，所以都好中意去cafe食野，參考下唔同cafe既特色，或改善自己不足既地方，所以我地就walk in去左附近既cafe坐坐~環境幾寬大，而且設計得好清新別緻，感覺好舒服，牆上仲有好多咖啡拉花既照片tim~(我估要求店員拉某個圖案都得xd)黎到已經係下午茶時段，所以下午茶meau已經放左係枱，但當然要全部都睇下～明太子煙肉忌廉意大利粉，氣味好香濃，意粉較幼身食落彈牙，忌廉稠得黎好香甜，加一啲紫菜同煙肉食落更加美味，不過明太子落得太少，鮮味未夠多，同埋份量都比較小海蝦凱撒沙律，材料有海蝦，羅馬生菜，紅毛菜，綠抓菜，車里茄，煙肉碎，芝士碎，蒜蓉包粒同凱撒沙律醬。其實好多時食沙律都唔知啲蔬菜叫咩名，但家姐就好輕易咁講出晒沙律既材料，令我對蔬菜有更大認識xd味道方面，蔬菜都好新鮮，而且份量好足，沙律醬落得唔算多，只有微微既酸甜味，海蝦有5粒，食落好爽甜，肉質好彈口呢～焗芝士洋蔥煙肉薯皮拼雞翼，好少食薯皮所以嗌左黎食，雞翼好香脆，外層脆內層軟，唔錯～薯皮香脆，而且主要都係洋蔥味佔大部份，食唔出芝士味，只食到口感，沙