影片
更多
2018-04-13
1231 瀏覽
早兩個鐘訂位就有得食，可能因為係閒日三點零所以無咁多人。睇返食評先知係咁難訂位，好好彩。本身入到去嗰陣舖頭係無人，師傅好似唔太得閒，過咗一陣先幫我哋執枱。於是拎咗menu嗌嘢食先。因為有午市套餐，嗌咗一個10件嘅壽司盛合同一個12件嘅壽司盛合。因為無烏冬所以配蔥油甘魚手卷。佢擺咗個有四個腳嘅平面枱仔過嚟上壽司，同喺日本傳統壽司店嘅做法一樣。逐件逐件手握出嚟之後擺到面前。壽司飯醋味恰到好處，唔會壓得太實亦唔會輕易夾得散，我手殘夾開咗一舊飯，佢都頑固咁吊住跟入我個口度唔會散開。溫度係微暖，比人體稍冷，所以入口好舒服，唔會好似平時機壓嗰啲咁冷冰冰，仲帶到醋味，又突顯到刺身嘅鮮味。飯上面嘅刺身真係好新鮮，好新鮮，好新鮮。好重要所以講三次。佢的確係平價壽司，但我唔想講佢嘅性價比我想講嘅係喺香港嘅大部份壽司舖入面（不論價位）佢嘅壽司真係好高質好好食。其實早年去完日本之後，返嚟成日都搵壽司舖想重溫喺日本食到嘅味，但作為窮撚，食得起嘅壽司舖內（一餐幾千真係食唔起），搵極都只有失望。對我嚟講中上價位（500或以下/人）嘅壽司舖，係食唔到好食嘅壽司，元気千両板長呢啲連鎖壽司店嘅壽司更加入唔到口。但呢間舖真
本身入到去嗰陣舖頭係無人，師傅好似唔太得閒，過咗一陣先幫我哋執枱。於是拎咗menu嗌嘢食先。
因為有午市套餐，嗌咗一個10件嘅壽司盛合同一個12件嘅壽司盛合。因為無烏冬所以配蔥油甘魚手卷。
佢擺咗個有四個腳嘅平面枱仔過嚟上壽司，同喺日本傳統壽司店嘅做法一樣。逐件逐件手握出嚟之後擺到面前。
壽司飯醋味恰到好處，唔會壓得太實亦唔會輕易夾得散，我手殘夾開咗一舊飯，佢都頑固咁吊住跟入我個口度唔會散開。溫度係微暖，比人體稍冷，所以入口好舒服，唔會好似平時機壓嗰啲咁冷冰冰，仲帶到醋味，又突顯到刺身嘅鮮味。
飯上面嘅刺身真係好新鮮，好新鮮，好新鮮。好重要所以講三次。
佢的確係平價壽司，但我唔想講佢嘅性價比我想講嘅係喺香港嘅大部份壽司舖入面（不論價位）佢嘅壽司真係好高質好好食。
其實早年去完日本之後，返嚟成日都搵壽司舖想重溫喺日本食到嘅味，但作為窮撚，食得起嘅壽司舖內（一餐幾千真係食唔起），搵極都只有失望。對我嚟講中上價位（500或以下/人）嘅壽司舖，係食唔到好食嘅壽司，元気千両板長呢啲連鎖壽司店嘅壽司更加入唔到口。
但呢間舖真係完全勾返起我對壽司嘅喜愛，刺身同飯同醋之間個比例真係做得好好。
雖然全部壽司都好推薦，但係特別推薦甜蝦（蝦頭啲膏好甜，甜過築地食過嘅），海膽，白玉豚，帶子
埋單唔夠$300，但兩個人都超級滿足。
見有食評嫌啲飯暖，我真係笑而不語，去爭鮮食啲飯就夠哂涷。大家真係唔好因為佢平而覺得佢「好極有限」，比唔上啲貴價壽司舖，「呢個價錢嚟講唔差」，佢真係做得好好，唔係因為佢平，係因為真係好食，希望店家一路做落去。
張貼