景逸軒 (已結業)

因工作關係, 媽媽節當日都要開工, 所以要提早同媽媽! 得知景逸軒中菜做得素來不俗, 惟遲遲未能一試, 就趁媽媽都愛中菜, 就一同去試試啦 小叫2菜1飯, 先黎開胃小吃般的黃女炸蝦球, 黃金蝦最要大廚慢慢將咸蛋黃推上蝦球, 唔係就會大大影響口感, 而呢個蝦球咬落脆口, 加上咸蛋黃的香, 食到停唔到手 另一個我幾鍾意的賽螃蟹, 市面上繁多的做法, 已難言邊個先係正宗, 總之好食就得啦! 今次呢到加上乾瑤柱, 令成個賽螃蟹感覺更高級, 而去油步驟做得好, 使蛋白為主導的賽螃蟹沒有被油炸的油膩感蓋過, 佐飯食一流 中菜又點可以無飯落口? 兩個人叫左個石窩明太子海鮮炒飯, 上台個陣仲係熱騰騰, 炒得乾身足料, 特別係石窩上更能做到飯焦, 脆脆的食飯好食又好玩 好滿意的一餐, 有時中國人始終都係食中菜好, 因為更似有家的感覺