栢檔極品海南雞飯 (已結業)

放工好想食海南雞飯，見到呢度唔洗等位又企理就入去試下喇。除咗海南雞飯，仲有肉骨茶、喇沙同埋幾款小食，價錢合理，又唔洗加一。半隻栢檔極品去骨海南雞（$93）- 隻雞真係好嫩滑，配埋酸辣汁就更好惹味，一個人食半隻都得！佢仲去埋骨所以食起上嚟更方便～一人套餐（$83）幾掋食，包主食、油飯或白飯、生菜、飲品同雪米糍做甜品。肉骨茶好大碗喎，排骨又多肉既腍又入味，仲有六粒豆卜，真係好掋食。而個湯濃郁得嚟仲帶少少辣👍🏿，餸飯一流。雪米糍有紅豆餡，好好味！麻辣豬耳仔（+$18）- 客飯加錢仲可有嗌小食。呢個豬耳好爽口，又唔會話超辣，好惹味。