影片
更多
2018-10-15
1887 瀏覽
位於歌賦街的Lobster and Mussels店子不大，兩層合共容得下30人左右。由於人客唔多，環境算比較安靜。Lunch Set Menu 2道菜連飲品約$170-300，另加一服務費，屬於中環地段食western西餐嘅起步價。有啲樓上舖會再經濟啲，但比較接近港式西餐，同係western西餐嘅格局同味道係有分別。『餐包』質地普通，溫度夠熱溶牛油係加分位。『凱撒沙律』係兩款唔使加錢前菜之一（另一款係南瓜湯）。食咗幾啖先記得影相但本來碟頭唔細。羅馬生菜夠新鮮爽脆，dressing味道亦不錯。同事叫的『Lobster Roll』($208)以半塊千層酥皮方包夾住波士頓龍蝦肉和沙律，賣相很吸引，但份量比較的骰。薯條看得出係用薯仔切出來而唔係薯粉，新鮮即炸當然香脆。『Signature Roasted French Spring Chicken』($228一隻，$168半隻) 是我的選擇。雞用香草和牛油醃過再入爐焗，上枱時賣相一流。雞肉肉汁豐富，肉質嫩滑，調味較淡吃得出肉味。但是雞皮未有焗到脆皮，雞腿骨部份仍然有啲嫩紅，可能喺嫩滑同生熟之間傾向前者。叫一隻的話，份量足夠餵飽大食男士，細食者
Lunch Set Menu 2道菜連飲品約$170-300，另加一服務費，屬於中環地段食western西餐嘅起步價。有啲樓上舖會再經濟啲，但比較接近港式西餐，同係western西餐嘅格局同味道係有分別。
『餐包』質地普通，溫度夠熱溶牛油係加分位。
『凱撒沙律』係兩款唔使加錢前菜之一（另一款係南瓜湯）。食咗幾啖先記得影相但本來碟頭唔細。羅馬生菜夠新鮮爽脆，dressing味道亦不錯。
同事叫的『Lobster Roll』($208)以半塊千層酥皮方包夾住波士頓龍蝦肉和沙律，賣相很吸引，但份量比較的骰。薯條看得出係用薯仔切出來而唔係薯粉，新鮮即炸當然香脆。
『Signature Roasted French Spring Chicken』($228一隻，$168半隻) 是我的選擇。雞用香草和牛油醃過再入爐焗，上枱時賣相一流。雞肉肉汁豐富，肉質嫩滑，調味較淡吃得出肉味。但是雞皮未有焗到脆皮，雞腿骨部份仍然有啲嫩紅，可能喺嫩滑同生熟之間傾向前者。叫一隻的話，份量足夠餵飽大食男士，細食者可要半隻。
同事叫的『Seasonal Mussels & Frites 300g』($178)青口很新鮮，用白酒和忌廉做的湯底味道鮮甜。雖然睇落好大碟，但三百克扣除殼後其實不多。餐廳沒有主動上空碟裝殼，美中不足。
整體黎講，呢度嘅味道四平八穩，但份量多數偏細。計埋環境嘅話都係物有所值嘅。
張貼
