影片
更多
2017-07-28
199 瀏覽
呢間食字店，大名聽左幾個月，讀名就好似奉旨講粗口一樣，理鹵味三字同你x味三字廣東讀音完全一致，字字鏗鏘，名好易入腦，卓頭創十足，搞到我呢個毒男都忍唔住要走去一試，想知除左名夠響，啲食物夠唔夠獎！小店除左玩食字，裝修都顯得好有品味，用八九十年代名歌手唱片封套做壁佈，呢啲係香港最風光時候嘅產物，勾起唔少港人回憶，包括小弟，又諗起香港人依家好似冇哂地位，處處阿爺管住哂，真係不勝唏噓。講翻食野，店名有炸又有滷，當然炸物滷物都要點嚟試下，炸嘅就要左店家推介嘅HK$43炸理海龍波波 (大)，同埋平到嚇親嘅hk$15 嘅炸串和牛粒。老闆真係捨得，竟然放左支黑松露沙律醬喺度俾人任唧，呢隻醬點炸物一流，不過成本就幾高。炸海龍波波係芝士包上蝦膠同墨魚膠混合膠，再炸熟嘅流心丸物，外皮炸得脆口唔油膩，又夠爽，芝士唔太鹹，滑嘟嘟又甘香，送酒一流，不過噚晚飲左唔少，所以唔太想飲酒，換轉平時，肯定已經叫左支手工啤酒，啤一啤佢！話時話，佢地雖然只係鋪仔一間，但手工啤酒選擇之多，真係可以媲美任何一間區內普通酒吧。講翻串炸和牛粒，咁大個佬都係第一次食炸牛肉，炸漿唔算厚，而牛肉就冇任何疏打粉味道，雖然唔知係乜野和牛，亦唔知
小店除左玩食字，裝修都顯得好有品味，用八九十年代名歌手唱片封套做壁佈，呢啲係香港最風光時候嘅產物，勾起唔少港人回憶，包括小弟，又諗起香港人依家好似冇哂地位，處處阿爺管住哂，真係不勝唏噓。
講翻食野，店名有炸又有滷，當然炸物滷物都要點嚟試下，炸嘅就要左店家推介嘅HK$43炸理海龍波波 (大)，同埋平到嚇親嘅hk$15 嘅炸串和牛粒。
老闆真係捨得，竟然放左支黑松露沙律醬喺度俾人任唧，呢隻醬點炸物一流，不過成本就幾高。
炸海龍波波係芝士包上蝦膠同墨魚膠混合膠，再炸熟嘅流心丸物，外皮炸得脆口唔油膩，又夠爽，芝士唔太鹹，滑嘟嘟又甘香，送酒一流，不過噚晚飲左唔少，所以唔太想飲酒，換轉平時，肯定已經叫左支手工啤酒，啤一啤佢！
話時話，佢地雖然只係鋪仔一間，但手工啤酒選擇之多，真係可以媲美任何一間區內普通酒吧。
講翻串炸和牛粒，咁大個佬都係第一次食炸牛肉，炸漿唔算厚，而牛肉就冇任何疏打粉味道，雖然唔知係乜野和牛，亦唔知係乜部位，但仍不失我對佢嘅好評，嫩滑度不俗，肉鮮味亦好，油香就冇乜。
滷味就分別點左滷大腸、雞腎、鴨舌、鱈魚豆腐，呢四樣都唔係店家推介。
滷水膽做得好香濃，所以滷任何食物都唔會差，我叫嘅係滷味套餐，大腸、雞腎同鴨舌三串28加10仲有一杯特飲，性價比唔錯，三串之中我最喜歡雞腎，質地爽脆爆棚，大腸同鴨舌就焾左少少。
鱈魚豆腐HK$10，我開頭以為係魚腐質地，但原來食落口感似魚蛋，較預期有嚼勁，一個唔錯嘅新發現。
青檸柚子疏打跟餐加HK$10，非常好嘅消暑飲品，柚子蜜溝疏打水味道有怡人嘅酸甜品，唔太甜，配滷物炸物，即刻將食物嘅油膩感覺降低哂。
呢度要自助執枱，大家記住食完野要掉垃圾。
張貼
