影片
更多
2023-05-01
416 瀏覽
今日五一假期同兩老行完伯公坳，13:30返入東涌諗住係東薈城食個下午茶先返屋企，商場人流唔算好爆，不過多數餐館都有人排隊，兩老已經好累唔係好等得，見到哩間小館有位，諗住最多貴啲無乜嘢，點知…兩老哩排身體復元緊唔想食片皮鴨，咁我就係咁依叫咗一碟炒飯（粵）、炒麵（粵）、餃子（京）、甜點（京），食方面我無咩好投訴，中高檔中菜館水準。埋單五百蚊左右無人哋俾咁多。我係14:31點餐，唔使5分鐘就上咗甜點，但兩老唔想空肚食凍點，想等熱食先，但佢哋餓住等到14:50仍未有其他食物，隔離遲入座的外地客人都有食物，咁我就溫提一下職員，職員竟然以為我要埋單…提一次之後，10分鐘都係無食物來，職員又無返轉頭講發生咩事，於是15:01趁同一位職員返出來同其他職員傾偈時再溫提一下，佢都係話廚房做緊，咁我追問佢俾個時間我預算（因為兩老本來已經餓！重要入座之後再等半個鐘…），佢答我重差幾分鐘，之後聽到佢同廚房講「做咗XX先」，終於15:07有食物送來。不過，隔離剛剛入座（遲我哋廿分鐘）的客人都有一樣的食物同時送來。其他評論提到的差別待遇，我就無十足證據，亦唔係好知點解我哋要面對咁待遇，其實我哋無投訴無吵鬧，但就好有
兩老哩排身體復元緊唔想食片皮鴨，咁我就係咁依叫咗一碟炒飯（粵）、炒麵（粵）、餃子（京）、甜點（京），食方面我無咩好投訴，中高檔中菜館水準。埋單五百蚊左右無人哋俾咁多。
我係14:31點餐，唔使5分鐘就上咗甜點，但兩老唔想空肚食凍點，想等熱食先，但佢哋餓住等到14:50仍未有其他食物，隔離遲入座的外地客人都有食物，咁我就溫提一下職員，職員竟然以為我要埋單…提一次之後，10分鐘都係無食物來，職員又無返轉頭講發生咩事，於是15:01趁同一位職員返出來同其他職員傾偈時再溫提一下，佢都係話廚房做緊，咁我追問佢俾個時間我預算（因為兩老本來已經餓！重要入座之後再等半個鐘…），佢答我重差幾分鐘，之後聽到佢同廚房講「做咗XX先」，終於15:07有食物送來。不過，隔離剛剛入座（遲我哋廿分鐘）的客人都有一樣的食物同時送來。
其他評論提到的差別待遇，我就無十足證據，亦唔係好知點解我哋要面對咁待遇，其實我哋無投訴無吵鬧，但就好有感受！
整個用餐體驗的總結係，自己中伏算，如果連父母都一齊就唔好了，我答唔到你如果帶埋父母過來會唔會成為下一個享受差別待遇的對象。
題外話/補充資料：
有一件事不得不提，我哋坐收銀隔離張檯，等食物上檯期間個收銀員竟然向住我哋咳！我無出聲，無俾反應，但覺得好離譜！
(以上食評乃用戶個人意見 , 並不代表OpenRice之觀點。)
張貼