Proper Kitchen (已結業)

今日lunch去食真材實料三文治，價錢係算高，但就多料兼且有質素。選擇唔多，都有8款三文治、沙律、咖啡、茶.....一目了然的簡單meun。【烤大蝦鮮芒果三文治】 $88，大大份，還切成一半方便客人進食。今次揀了季節限定的三文治，即叫即做，等數分鐘就送上三文治，用料十足，好多爽口彈牙大蝦，加上清新香甜鮮芒果粒，令三文治更多汁，配千島醬加香草，微辣滋味的醬汁好夾海鮮，三文治麵烘得暖暖又外脆內鬆軟。餐廳有咖啡同茶類，貴精不貴多，咖啡同茶有數款選擇，咖啡較吸引，且有靚靚拉花圖案，令人心情愉快，係間有小清新感覺的輕食小店。