泰壹泰 (已結業)

食過了漢堡包, 仍未飽.記得約三年前, 因 "有事要辨", 和朋友來到紅磡; 找晚餐食, 行行 o下, 見到個泰國國旗, 原來是餐廳, 內進才知係 "無間道"泰國毒梟 果間.早幾日在電視見到森哥已轉型做獎門人, 但仍鉤起我的回憶, 心血來潮, 又想看看毒梟, 走了過去 老龍坑街 果邊, 但原來已執了....回程卻見到這 "one thai one", 也有些明星相, 雖無森哥, 但好奇駒使之下, 入了去... 地方幾好, 很乾淨. 又有電視看;午餐只有三樣野食, 海南雞飯, 豬扒 阿華田, 第三樣忘記了.menu 是我見過最細的 !也好, 不用煩...咁當然係海南雞啦!豬扒 阿華田都不知係乜東東... 再問個好友善既姐姐, 她話係滷水豬扒再加華田粉, 會係甜的, 算了...湯先上, 好鮮甜.之後到碟雞飯, 嘩, 已去骨, 正宗.啖啖肉, 正~碟汁也是正宗泰式的. 回想去過另外餐廳自稱泰式海南雞, 但上檯係俾碟薑蔥你, 不知所謂...30蚊, 很好了. 仲有凍檸茶.朋友以前話, 掛滿明星相的要小心, 可能是對的, 但總有例外既~ *廁所勁乾淨, 一讚~