影片
更多
2009-03-19
31 瀏覽
我唔信一間餐廳煮咩都好食,一定有佢本身o既強項同弱項,如果想食好野,我覺得最直接就係問下個老闆或師傅今日有咩好食或者佢地有咩招牌菜,如果佢地連呢d講唔到比你聽或者同你講"我地咩都好食,你想食咩丫!"呢間野你可以唔駛再來. 今日我去左呢間辛之葵食野,我知道如果你第一次幫襯d套餐就一定會大失所望,所以我問有咩好食,佢地介紹左我食個萬里香雞肉炒烏冬,但係個炒烏冬係餐嚟但係人地盛意拳拳我都想試下,跟住問佢地有咩壽司好食,老闆就推介左帶子,玉子(佢地話係自家制),海膽(佢地話係日本空運),跟住介紹左個廣島蠔比我,我同事就要左個鰻魚飯同什錦天婦羅.1.萬里香雞肉炒烏冬---一上菜見到個烏冬用醬油炒就諗住日本菜果種甜爺爺o既汁,但係食落又唔係死甜果隻,佢炒到汁干晒(有d似干炒牛河),有d香草係面,都尚算ok,比起我想像o既好.2.壽司---隻帶子鬼咁大隻又厚,食落好鮮甜好爽口好有口感(個蘇c王成日唔比人用口感去形容,唔知係佢懶有型定係我中文程度低...唔用口感呢2個字我唔知用咩字去形容),玉子係自家制半吋厚偏甜,我覺得ok,好過去d迴轉壽司店食d交來o既貨,海膽好鮮甜仲
今日我去左呢間辛之葵食野,我知道如果你第一次幫襯d套餐就一定會大失所望,所以我問有咩好食,佢地介紹左我食個萬里香雞肉炒烏冬,但係個炒烏冬係餐嚟但係人地盛意拳拳我都想試下,跟住問佢地有咩壽司好食,老闆就推介左帶子,玉子(佢地話係自家制),海膽(佢地話係日本空運),跟住介紹左個廣島蠔比我,我同事就要左個鰻魚飯同什錦天婦羅.
1.萬里香雞肉炒烏冬---一上菜見到個烏冬用醬油炒就諗住日本菜果種甜爺爺o既汁,但係食落又唔係死甜果隻,佢炒到汁干晒(有d似干炒牛河),有d香草係面,都尚算ok,比起我想像o既好.
2.壽司---隻帶子鬼咁大隻又厚,食落好鮮甜好爽口好有口感(個蘇c王成日唔比人用口感去形容,唔知係佢懶有型定係我中文程度低...唔用口感呢2個字我唔知用咩字去形容),玉子係自家制半吋厚偏甜,我覺得ok,好過去d迴轉壽司店食d交來o既貨,海膽好鮮甜仲有dd海水味,廣島蠔係我食佢3樣海產裡面最好o既,食完"嘔"番出來啖氣都係蠔味.
3.鰻魚飯---我見我同事碗野應該有大半條鰻魚,超飽肚,但係d味都係一般,唔會令你失望果種,但係最貼心o既係佢識比埋山椒粉你,好多日本餐廳啋你都傻,你唔問都唔比你或者根本冇呢樣野.
4.什錦天婦羅---好難食,食落去係淋果種,我向老闆投訴,佢話個師傅開錯粉,佢收起份野即刻同我整過份,再來果份果然對版,好食,個同事話食咁多間呢間最好食,我問老闆點解會咁架,佢話新開張,好多野未set好,仲同我say 晒sorry,咁就算啦,知錯能改丫嘛!
順帶一提佢地杯奶茶ok估喎,我係度諗...日本菜有奶茶咖啡係因為要做套餐先會加呢d飲品上去架o者,頂晒龍咪茶包加奶...點知佢地做到好似茶餐水準咁,都算驚喜囉!
最緊要佢地有室外坐位.....可以抽下煙!!hehe
張貼