緣味小聚 (金百利廣場) (已結業)

因為呢我份人呢就唔中意同人迫嘅，所以少出街食之餘，但凡出街食都會避開人流高峰時段，於是我們就大概三點幾去食，心唸都無咩人會下午茶去食蒸鍋噶啦，果然去到個場又幾靜下。首先有點心食，四款點心各樣一件（蝦餃、粉果、馬拉糕、棗糕），仲有六款海鮮，包括鮑魚，聖子，海蝦，花蛤等。之後仲可以揀一份主食，我地就揀咗龍躉件蒸飯。有點心，海鮮加飯，埋單都係人均百零蚊到。食得咁豐富，性價比唔錯。食物質素嚟講都OK，食落都感覺到係新鮮嘅，起碼唔會有雪味先啦。食厭咗西式嘅甜品式下午茶，都可以食下港式蒸鍋，價錢都係差唔多。