District 8 (ELEMENTS圓方)

營業中

休息中

呢度嘅環境唔錯，燈光暗暗地，適合飲酒食飯，傾偈都好舒服！前菜揀咗豬骨髓 及 ceasar salad 。豬骨髓配上香脆麵包，再配上少少蔥花，味道幾香幾好食。豬骨髓唔係度度都有得食，所以通常一有我就會叫！凱撒沙律份量都好，面上佈滿芝士碎，沙律菜夠新鮮，仲有麵包糠、Parma ham、糖心蛋等，相當之豐富。主菜揀咗蒜香牛油大蝦，大蝦真係好大隻；而且爽口！鍾意佢蒜蓉同牛油味都好香～另外一款叫咗和牛，揀左medium rare，因為我都食得較生。切開入邊紅紅的，好正！而且味道都唔錯！最後仲有甜品。甜品揀咗檸檬撻及朱古力撻，兩款都非常大件！檸檬撻酸酸地，味道唔錯；朱古力就相對地甜，兩款都幾好味！飲品叫咗Vin de France及Apple Spritz. Vin de France酒香唔錯；Apple Spritz則有酸甜果香。