影片
更多
2019-05-13
3053 瀏覽
2019年5月8日 星期三今晚同女朋友要去上環律師樓簽紙，搞完一輪都已經差不多八點，所以就求其喺附近搵嘢食行到去呢度發現係一間上海菜館，喺門口見到餐牌就突然好想食菜肉雲吞，所以就入咗去坐低左之後發現呢間餐館裝修真係好有上海嘅特色，連掛畫都係上海嘅風景，搞到我都心思思想去上海睇吓風景餐牌方面可以散叫，亦都可以叫套餐，當然菜肉雲吞係必點嘅，但係要散叫定係套餐我哋都諗咗好耐，呢個時候店員就行過嚟同我地建議食啲乜嘢同介紹最出名嘅菜式，最後我哋叫咗個一人套餐再加散叫一啲菜式先來嘅係擔擔面，我哋預先已經叫咗小辣，因為女朋友唔食得太辣，果然食落去嘅時候真係得微辣，花生醬味反而重少少，啱晒我哋。成碗面睇落去好似好少肉碎，但係食落去愈食都仲有之後係呢度嘅招牌菜式菜肉雲吞，一夾起上嚟真係好大粒，咬落去嘅時候見到有好多餡料而且皮薄，餡料有足夠嘅調味所以唔需要再點豉油都已經好夠味，兩個人食四隻真係完全唔夠，我諗我一個人食10隻都可以呢個上海春卷係一人套餐嘅小食，但係都足足有兩條春卷，食落口脆卜卜，仲唔係成口油呢個煎餃係我哋另外點嘅，想睇下同菜肉雲吞有冇咩分別，食完發覺煎餃煎得好香口，咬落去個皮係脆既，至於裏面
今晚同女朋友要去上環律師樓簽紙，搞完一輪都已經差不多八點，所以就求其喺附近搵嘢食
行到去呢度發現係一間上海菜館，喺門口見到餐牌就突然好想食菜肉雲吞，所以就入咗去
坐低左之後發現呢間餐館裝修真係好有上海嘅特色，連掛畫都係上海嘅風景，搞到我都心思思想去上海睇吓風景
餐牌方面可以散叫，亦都可以叫套餐，當然菜肉雲吞係必點嘅，但係要散叫定係套餐我哋都諗咗好耐，呢個時候店員就行過嚟同我地建議食啲乜嘢同介紹最出名嘅菜式，最後我哋叫咗個一人套餐再加散叫一啲菜式
擔擔面
$49
66 瀏覽
0 讚好
0 留言
先來嘅係擔擔面，我哋預先已經叫咗小辣，因為女朋友唔食得太辣，果然食落去嘅時候真係得微辣，花生醬味反而重少少，啱晒我哋。成碗面睇落去好似好少肉碎，但係食落去愈食都仲有
菜肉雲吞
$28
52 瀏覽
0 讚好
0 留言
之後係呢度嘅招牌菜式菜肉雲吞，一夾起上嚟真係好大粒，咬落去嘅時候見到有好多餡料而且皮薄，餡料有足夠嘅調味所以唔需要再點豉油都已經好夠味，兩個人食四隻真係完全唔夠，我諗我一個人食10隻都可以
上海春卷
26 瀏覽
0 讚好
0 留言
呢個上海春卷係一人套餐嘅小食，但係都足足有兩條春卷，食落口脆卜卜，仲唔係成口油
煎餃子
$40
20 瀏覽
0 讚好
0 留言
呢個煎餃係我哋另外點嘅，想睇下同菜肉雲吞有冇咩分別，食完發覺煎餃煎得好香口，咬落去個皮係脆既，至於裏面嘅餡料同菜肉雲吞差不多
無錫排骨
10 瀏覽
0 讚好
0 留言
最後嚟嘅係一人套餐嘅主菜無錫排骨，排骨好腍，唔需要用力咬都得，而個醬汁甜甜地又有醋味，應該係甜醋，淨係用個醬嚟送飯都可以食足兩碗
叫咗咁多嘢每人都唔使$130 ，仲要包住個肚走，喺上環來講真係冇乜幾可
張貼
