影片
更多
2010-09-12
16 瀏覽
灣仔三里屯大型翻新，令到不少餐廳要另覓位置繼續營業，其中Pomme de Terre數個月前開始，轉戰到灣仔今年人氣極盛嘅食肆商廈QRE Plaza，並易名為W28 Steak House。其實心目中想去眾多新店中，W28一早已列入名單中，今日總算有機會到訪試菜，食完後不單止令我有相逢恨晚感覺，亦令我即時想執筆介紹俾大家...當到達9樓打開電梯門時，已見到螢光藍色餐廳嘅招牌掛在米色的石牆上，而入內見到左邊嘅深啡色牆身幾幅素描畫，右邊嘅落地紅酒櫃，加上天花吊著閃爍嘅水晶燈，如此典雅裝修，心入面不禁對呢間牛扒屋質素增添多一點憧憬...呢度嘅午餐由八十幾至百幾蚊都有，同樣係先前菜後主菜再加餐飲嘅基本組合，當大家感覺到呢度嘅舒適環境，就知價錢相當合理；點餐後侍應隨即送上微暖嘅麵包籃，外脆內軟好好味，而且仲可以Refill添...菠菜忌廉湯口感幼滑，香濃好味，可見製作上絕不馬虎。聽聞呢度洋蔥湯同龍蝦湯相當唔錯，有機會一定要再來試一下。前菜選擇左法式芝士焗田螺，而送到桌面時竟然係一份感到陌生嘅田螺。以往熟悉嘅係埋在薯蓉堆嘅連殼田螺，眼前所見係一碗香噴噴嘅蕃茄芝士濃醬，去殼田螺肉記憶中有6至7粒，混
當到達9樓打開電梯門時，已見到螢光藍色餐廳嘅招牌掛在米色的石牆上，而入內見到左邊嘅深啡色牆身幾幅素描畫，右邊嘅落地紅酒櫃，加上天花吊著閃爍嘅水晶燈，如此典雅裝修，心入面不禁對呢間牛扒屋質素增添多一點憧憬...
呢度嘅午餐由八十幾至百幾蚊都有，同樣係先前菜後主菜再加餐飲嘅基本組合，當大家感覺到呢度嘅舒適環境，就知價錢相當合理；點餐後侍應隨即送上微暖嘅麵包籃，外脆內軟好好味，而且仲可以Refill添...
菠菜忌廉湯口感幼滑，香濃好味，可見製作上絕不馬虎。聽聞呢度洋蔥湯同龍蝦湯相當唔錯，有機會一定要再來試一下。
前菜選擇左法式芝士焗田螺，而送到桌面時竟然係一份感到陌生嘅田螺。以往熟悉嘅係埋在薯蓉堆嘅連殼田螺，眼前所見係一碗香噴噴嘅蕃茄芝士濃醬，去殼田螺肉記憶中有6至7粒，混上醬料後極之好味，如果唔係要顧及table manner的話，一定拎起個碗，大啖大啖將所有濃醬倒入口中...
主菜要美國西冷扒，雖然我因小誤會而錯叫7成熟，幸見廚師控制火候相當好，薄薄嘅西冷扒就算7成亦燒得相當唔錯...呢份西冷牛扒雖然唔係炭燒，亦唔係高級嘅DA，但睇賣相都已經對辦。外邊焦黑，內裡嫩紅，食落肉汁豐盈，咬落鬆化而且肉味濃厚，而帶點筋位肥脂部份軟滑無比，口感極為精彩，以一份百幾蚊嘅牛扒餐來計，絕對係超額完成。
食完美味牛扒後再來一份甜品實在是最好不過嘅句號，而價錢上只係多加$15，這個句號相當值得。首先係香橙奶凍，奶味香濃，口感亦夠滑溜，橙味醬汁亦係意料之外的好，說老實話，好多甜品店亦做唔到呢個水準...
另一款甜品就係朱古力慕絲，份量夠晒大杯，朱古力迷見到定必愛死。食落口感雖然幼滑細膩，但略嫌朱古力濃度未夠，簡單來講就係未夠Dark，不過都總算唔錯。唯一令我有點遺憾，就係o今次食唔到拿破崙餅作為甜品，希望下次有機會試到...
整體黎講，W28無論價錢同質素都屬水準之上，而且午餐經濟實惠，相當抵食。至於呢度嘅晚餐SET由二百幾至一千蚊不等，豐儉由人，有多款餐湯前菜甜品作選擇，配合埋寧靜舒適環境，絕對值得推介俾大家黎呢度Fine Dining！
張貼
