囍碟 (已結業)

囍碟係位於中西融合嘅囍帖街，呢度主打嘅喺馬拉菜。餐廳嘅環境同裝修睇得出喺花咗心思，有一種型格嘅感覺，檯嘅擺位又唔會太密，好適合傾計食飯。我哋2人叫咗黑椒軟殼蟹蟹肉炒飯，肉骨茶豬手，松露芝士批。食物嘅分量啱啱好，只係個豬手太過多肉。食物嘅上碟亦睇得出喺有誠意嘅，都幾啱影相 。黑椒軟殼蟹蟹肉炒飯：有香濃嘅黑椒味，炒飯內有一絲絲嘅蟹肉，炒飯炒得幾乾身亦唔會比碟上嘅蒸氣整到濕濕地。軟殼蟹如果可以整得香口D就好啦。肉骨茶豬手：比較多肉幾一道菜，肉骨茶好咸唔可以就咁飲 。豬手浸完落肉骨茶度食味道就啱啱好啦。松露芝士批：份量非常好，有好香嘅松露同芝士味，呢個係一個小型嘅PIZZAHAPPY HOUR嘅BUY1GET1， 記起問清楚係PER GLASS定PER HEAD，店員每個解釋都不一樣，希望日後有改進啦。