A-1 Bakery & Châteraisé (已結業)

🍅宇治抹茶千層蛋糕 hkd38想食A1嘅千層蛋糕好耐，原味感覺無咩特別，朱古力又食得太多，所以揀左抹茶。佢面頭有層啫喱咁嘅野，綠綠地色。蛋糕有好多層薄薄嘅餅皮同幼滑抹茶忌廉，夾雜住少少少少少量紅豆。餅底係海綿蛋糕，軟綿綿，同千層好夾。件蛋糕口感唔錯，忌廉入口即融，皮夠薄，層數都多。第一啖放落口，抹茶味好濃，濃到有一陣草腥味，有d似食緊草餅。之後再慢慢放落口回味，漸漸無左草腥味，突出左抹茶味，有回甘，而且唔會太甜。總而言之，如果鐘意抹茶，呢件蛋糕真係值得一試，但因為紅豆而感興趣嘅可以再考慮下，畢竟紅豆數量真係好少，得果幾粒。