影片
更多
2020-01-08
51 瀏覽
之前曾經都去過呢間食lunch,今次見有團購78折買100蚊coupon,就唸住再去食下啦, 點知就中哂伏喇! 首先團購是不能用於午餐的,亦不能用於作加一服務費付款的, 呢兩點我地食之前已經明白! 當天訂座是1:15pm, 我地最早去到等安排入座,但當時未夠1:15pm, 到接近訂座時間時,門口已出現一條好長的人龍,全部都是已訂座的客人,等待安排入座的,到餐廳客人陸續離開時,亦開始叫人入座,眼見一個一個party入左去,但我們雖然排第一,一直都未被安排座位,直至成條人龍都已入座,我們依然未有座位,詢問店員時,佢話我地要坐果張枱的客人仲未肯走,果張枱原來就係門口果張,我地一直企喺隔離,時間一分一分咁過,我地見唔對路,叫店員同客人講交枱,佢竟然話叫左,但我地一直企喺度無見過佢叫過囉.....實在太大話了!後來,我地接近1:35pm先有坐位, 差不多2點正先有食物, 狼吞虎嚥咁食嘢, 未食完已急急埋單, 我地一行3人, 總共食左 $316, 扣埋coupon, 店員要我地補返 $81, 當時未有留意就比左錢, 後來離開後再計下, 覺得唔對路, 於是折返理論, 店員根本是重覆計算加一服務費,
當天訂座是1:15pm, 我地最早去到等安排入座,但當時未夠1:15pm, 到接近訂座時間時,門口已出現一條好長的人龍,全部都是已訂座的客人,等待安排入座的,到餐廳客人陸續離開時,亦開始叫人入座,眼見一個一個party入左去,但我們雖然排第一,一直都未被安排座位,直至成條人龍都已入座,我們依然未有座位,詢問店員時,佢話我地要坐果張枱的客人仲未肯走,果張枱原來就係門口果張,我地一直企喺隔離,時間一分一分咁過,我地見唔對路,叫店員同客人講交枱,佢竟然話叫左,但我地一直企喺度無見過佢叫過囉.....實在太大話了!
後來,我地接近1:35pm先有坐位, 差不多2點正先有食物, 狼吞虎嚥咁食嘢, 未食完已急急埋單, 我地一行3人, 總共食左 $316, 扣埋coupon, 店員要我地補返 $81, 當時未有留意就比左錢, 後來離開後再計下, 覺得唔對路, 於是折返理論, 店員根本是重覆計算加一服務費, 其實總數 $316, 加一服務費應是 $31.6, 另外扣左coupon後的差額是 $16, 咁正常應是將 $31.6 + $16 = $47.6 才是應付的費用, 但店員在單上除了計到$47.6 外, 還額外加上coupon 300元的加一服務費, 即$30, 呢個實在是雙重計算, 可惜店員一直都扮聽唔明, 堅持唔肯退回那三十多元的費用, 經過差不多30分鐘的理論,才好不情願地掏出30元來,還說到是自己掏腰包拿出來的!
明明是他們計錯數,害我地浪費左咁多時間去同佢解釋佢錯乜,仲要唔肯認錯! 當天的用餐經驗實在好唔開心, 浪費金錢之餘,更浪費好多時間, 等待入座,等待食物到來, 再等待店員退款, 以後都唔會再去呢間餐廳, 希望大家都不要中伏!
題外話/補充資料：
已經與團購公司反映這商家的奸詐行為, 團購公司答應會向其他已購買coupon的客人退回之前餐廳多收的費用, 雖然係浪費左好多時間,但起碼唔會比呢間奸商得逞, 為廣大購買了該團購的人爭取到公道, 都算值得!
(以上食評乃用戶個人意見 , 並不代表OpenRice之觀點。)
張貼