漢堡王 (已結業)

見呢間漢堡店出左呢隻漢堡，就試下啦。我仲帶左張coupon有得送咖啡新地，都好似幾抵食既。安格斯牛肉漢堡個漢堡都係咁大舊，牛肉都好大件。好好味，係有陣炭燒既味道。個包仲有炸洋蔥，好脆好好食。加上微溶既芝士就更加好食啦，唔錯唔錯。洋蔥圈加一蚊就有得食，真係好抵食。好有洋蔥味，個炸粉又唔算太厚。味道真係唔錯既。咖啡新地其實係用特濃咖啡再加新地整既，個味道都幾特別。有新地既甜又有咖啡既濃，真係唔錯既。個餐算幾抵食，用coupon又有新地送。