喜喜車仔麵 (已結業)

其實之前啱啱開嗰陣都買過外賣，都冇＂好食＂嘅印象。今日瞓醒諗唔到食乜，決定比次堂食機會佢。點知都係冇驚喜。 睇吓張點餸紙，未見過一間車仔麵會話九肚，牛腩同牛肺係要side order。簡直神奇！ 喺冇選擇情況下，叫咗一碗三餸（魷魚鬚，豬皮，粉腸）油麵底加咖哩汁。我男朋友話都尚算有味。 可憐嘅我碗四餸（蘿蔔，大腸，雞翼同雞翼尖）米線底加腩汁淡而無味，仲清過清湯。問佢可唔可以啲腩汁，又話要加$，懶矜貴。米線＂碎濕濕＂。蘿蔔唔夠熟，又唔甜。大腸，雞翼同雞翼尖都冇滷水味。車仔麵食到咁冇味都係第一次。絕對唔會有第二次。 小食沙薑雞腳，雞腳唔夠腍身又唔入味。叫檸茶嚟咗奶茶。總之成件事就錯晒。 一句講晒，我覺得完全同好味扯唔上關係。