飯意冰室 (已結業)

今日嚟到荔枝角，做完嘢就要搵嘢食啦見到呢間茶餐廳出邊勁多人排隊其實應該講呢度間間餐廳出邊都勁多人排隊，工廠區果然工廠區，太多寫字樓同一時間放lunch😌😌😌既然間間餐廳都要等位，我又見呢間餐廳個Menu好似幾多嘢食咁，一於就等下啦等之前我哋已經預先諗定食咩好，我哋嗌左個all day breakfast 營養餐，點解叫營養餐嘅？原來係跟牛奶既🥛🥛然後叫咗個豬扒配c華力腸飯，豬扒配炸雞粒意粉同埋Double豬扒飯見到隔離枱啲飯都靚仔，好期待呀！點知原來期望越大失望越大首先個全日早餐簡直中伏，個菠蘿油完全唔掂，嗰皮淋既，成嗰包凍既，條腸係烚既，其實烚係唔緊要架，點解你連腸仔嘅味道都冇？我真係懷疑哩條係咪腸仔？炒蛋同炒菇都一樣難食，油淋淋見雞扒塊皮仲大塊嗰舊肉至於嗰double豬扒勁鞋，又唔熱碟豬扒配炸雞意粉，唔好睇啲意粉咁橙色，又係一啲味都冇，全部都係色素，意粉仲要散修修較為好少少就係嗰塊豬扒配c華力腸，因為塊豬扒真係熱啲嘅整體覺得呢間野好唔得，明明食過深水埗同旺角嗰間分店係幾OK，點解荔枝角呢間轉左型嘅茶餐廳質素咁架！全日營養早餐Double 豬扒飯豬扒配C華力腸飯豬扒配炸雞意粉