Denis Kitchen (已結業)

2星期前左右，我同我d朋友一行五個人去尖沙咀，聽聞有間新法國餐廳，見佢個裝修又幾靚所以去試下，點知中左計，d食一d都唔好味，d飯好難食仲有d肉好硬，個碟大但d份量勁少，選擇又少，個menu一幅圖都冇，好唔吸引。不過最想講都係佢d服務態度，我一入到去已經話坐非吸煙區，但個waitress帶錯左我去吸煙區，咁我同佢講番啦，跟住佢話非吸煙區得晒最後一張大比人坐左，叫我下次應該早d講，咁我個friend話我一早講左係佢自己聽錯，跟住個waitress用d好串態度講“如果要話，咁我同你道歉囉，對唔住”，我一d都感覺唔到佢悔意>__<。總之一句講晒，呢間好唔掂，我下次一定唔會再去!!!!!