敏華冰廳 (黃埔天地奇妙坊)

營業中

休息中

連食嘅機會都無，一入到去3個員工企晒喺cashier 圍住傾偈，入到去安心出行完坐低，無人理過我，我帶住一個2歲嘅女，張枱完全未抹過（有好多米粉喺枱面），叫咗3次都無人理，想叫嘢食全部人走晒入去唔想理我，喺一個完全叫唔到嘢食嘅情況下離開，望一望入面幾個圍住繼續傾，見到我走見到佢地轉身走，我本身已離開餐廳，但見到佢地嘅態度真係好嬲，一個疫情嘅環境下，可以連枱唔抹可以得知間餐廳有幾乾淨，我抱住個女走返入去睇下有無客人意見問卷嘅嘢填，睇過無，我只可以同一個叫梅麗敏嘅員工講我一定會投訴你地，我就走了。我係敏華嘅常客，每一間都做好本份，如果萬幾蚊一個員工大家只係為傾偈而返工，好快餐廳都可以玩完。