Mee...lemongrass (將軍澳中心) (已結業)

馬來蜜汁炭燒厚切豬扒配菜飯($72)，豬扒軟腍，配埋乾蒜有脆卜卜口感，可以點埋個醬汁帶少少辣味更好食，至於菜飯可以食少少菜健康d。芭提雅蝦醬炒飯($78)，蝦醬份量調較得岩岩好，唔會令個飯太鹹，餸菜則有類似扣肉既肉類，炆得好腍。軟殼蟹米紙卷($68)，疏菜既比例較多口感爽，米紙皮口感煙韌，加埋軟殼蟹既脆，三種層次口感，醬汁有少少酸味，一般係用越南魚露汁。Mee...小食拼盤($158)，共有五款食物，串燒既沙爹汁調製得好正宗，有花生既香味，哩個拼盤春卷係我覺得最正，因為皮脆而且仲有少少熱辣辣，其次係蝦餅，夠彈牙，用左十足蝦肉製成，冇溝過其他肉。椰汁西米糕($28)，食泰國菜最尾一定要食返個西米糕甜品，感覺好似好圓滿既一餐。