Villa Villa Burger (已結業)

今日公司安排嚟鰂魚涌呢邊聽左一日工作坊，完咗之後就揀咗呢間burger店慰勞自己。呢間鋪店面小小卻好有質感，令人充滿期待。試咗個Villa Villa Burgerm再配咗cajun曲薯條同埋蒜香雞翼蒜香雞翼外脆內嫩，外皮有蒜香味道嘅炸漿，薄身夠脆，特別惹味，雞肉嫩嫩有汁，好食！至於主角漢堡包，材料包括雙層安格斯牛肉，車打芝士，焦糖洋蔥，生菜同番茄，配埋芥末醬，非常豐富。首先要大讚佢嘅patty肉汁係多到不得了又好有牛肉油脂香味，真係比好多漢堡包店出色，味道濃郁！二來係佢嘅漢堡包係墨魚汁自家製，誠意滿滿，而且鬆軟得嚟有一定嘅口感同厚度，讚。當然配埋車打芝士，焦糖洋蔥同新鮮生菜番茄夾埋一齊食，邪惡度同滿足感亦更加提高，佢個芥末醬都好正，總之個漢堡就係超滿足到我嘅胃口，即刻覺得返完成日工有個refreshment!最後仲要食埋佈滿香辣粉嘅薯條，飽滿嘅薯條，雖然係好邪惡但係作一個對自己嘅獎勵，簡直係完美！