家賀屋刺身寿司專門店

呢度嘅定食選擇超～多，由壽司、刺身、燒物到丼物都有，每個定食仲包埋海帶味增湯、茶碗蒸同沙律，超～抵！我哋叫咗個生啤同華美雞肉套餐 ($138)，有麒麟一番搾生啤兩杯 (500ml)、煙燻華美雞刺身、慢煮雞腎同烤雞肝，#好食 🍻🐓 另外，我哋試咗個特選海鮮丼定食 ($368)，魚生份量超～足，有三文魚、吞拿魚、赤貝、油甘魚、池魚、大拖羅，甚至連鮑魚同海膽都有 🤤 赤醋飯嘅口感同味道都超～正，偏細食嘅朋友可以兩個人 Share 🐟🍚 呢度仲有好多時令海鮮，我哋嗌咗魴魚刺身 ($278) 同香箱蟹 ($198)。魴魚肉質煙韌甜美，加少少柚子醬油就更加 Refreshing！而香箱蟹其實係雌性嘅松葉蟹，蟹籽叫「内子」，味道同蟹肉一樣咁正 🦀 最後，個日本直送原個蜜桃雪葩 ($58) 又香又清甜，椰子雪葩 ($48) 濃郁順滑，兩款都係 Perfect Ending 🍧