影片
更多
2024-06-20
25 瀏覽
今日去咗寶琳新都城廣場一期一間叫「椰子星球Cocohunt」甜品舖覓食，相比起一般嘅手搖飲品店或者甜品舖，呢一間椰子專門店嘅裝修非常新潮，左邊係落單區，而右邊有一個小型嘅露營擺設，有四張露營等同一張露營摺檯，一共有四個座位，俾食客除咗外賣都有堂食嘅選擇，幾適合大家坐喺度影相打卡。🍊榴槤UFO鍾意食榴槤嘅朋友千祈唔可以錯過呢一個榴槤UFO，餐廳用咗大量D24榴槤肉同芒果肉放喺椰子上面，份量絕對滿足到各位榴槤迷，每一啖嘅榴槤肉感受到棉滑細膩嘅口感，食完口腔入面仲會充滿濃濃嘅榴槤香氣，芒果肉亦都非常香甜，食完頂層兩種生果之後，下面仲有滿滿嘅椰子果凍同小丸子，呢個時候加入香滑濃稠嘅椰奶，就會食到啖啖椰子味，餐廳仲好貼心咁放入刮好咗嘅椰子肉，令到大家唔使用匙羹大力刮都可以食到新鮮嘅椰子肉🍊桃膠椰皇燉蛋白椰皇燉蛋白非常足料，原個椰皇嘅頂部鋪滿爽口嘅桃膠，同交嘅味道唔會太甜，底下嘅燉蛋白非常嫩滑，食落好重牛奶同蛋味，食完燉蛋白之後仲可以將椰皇入面嘅椰肉刮出嚟食🍊龍眼桂花椰奶凍呢個奶凍有分凍或者熱，凍食會用玻璃樽裝住，底下係一層椰奶奶凍，食落好重椰奶嘅香味，上面係一層有龍眼肉嘅桂花果凍，食落清甜解暑，
🍊榴槤UFO
鍾意食榴槤嘅朋友千祈唔可以錯過呢一個榴槤UFO，餐廳用咗大量D24榴槤肉同芒果肉放喺椰子上面，份量絕對滿足到各位榴槤迷，每一啖嘅榴槤肉感受到棉滑細膩嘅口感，食完口腔入面仲會充滿濃濃嘅榴槤香氣，芒果肉亦都非常香甜，食完頂層兩種生果之後，下面仲有滿滿嘅椰子果凍同小丸子，呢個時候加入香滑濃稠嘅椰奶，就會食到啖啖椰子味，餐廳仲好貼心咁放入刮好咗嘅椰子肉，令到大家唔使用匙羹大力刮都可以食到新鮮嘅椰子肉
🍊桃膠椰皇燉蛋白
椰皇燉蛋白非常足料，原個椰皇嘅頂部鋪滿爽口嘅桃膠，同交嘅味道唔會太甜，底下嘅燉蛋白非常嫩滑，食落好重牛奶同蛋味，食完燉蛋白之後仲可以將椰皇入面嘅椰肉刮出嚟食
🍊龍眼桂花椰奶凍
呢個奶凍有分凍或者熱，凍食會用玻璃樽裝住，底下係一層椰奶奶凍，食落好重椰奶嘅香味，上面係一層有龍眼肉嘅桂花果凍，食落清甜解暑，淡淡嘅桂花香氣喺口腔停留，龍眼果肉亦都唔會太甜，幾推介大家試呢個甜品
📍將軍澳寶琳運亨路1號新都城中心一期2樓205-206號舖
位置就腳：🍊🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊🍊
整體CP值：🍊🍊🍊🍊🍊
張貼
