老媽拌麵 (北角匯二期)

營業中

休息中

老媽拌麵台式小菜套餐，三杯雞! 呢款菜係用熱熱既石鍋上，上到黎仲係炸炸聲剛剛滾起，聞落已經超級香同惹味，D汁入晒味，雞既肉質仲好嫩滑，真係不得了，送飯好開胃，絕對係餐廳既人氣菜式。前菜係隨機發放，配左肉鬆豆腐，凍凍地好好味好開胃。另外我地加配左蒜香麻辣豬耳，亦升級左飲品做黑糖珍珠奶茶。食台式野一定係要飲珍珠奶茶啦，幾好唔算太甜，珍珠夠Q彈! 麻辣豬耳好爽口，又係非常適合送飯，傾住計食愈食愈上癮，好快就食晒。川味紅燒三寶牛肉湯面，即係牛展，牛肚同牛筋。面都有得選刀削定係幼面。我地當然係試刀削面。牛三寶大概每樣都有兩三件，大推! 牛展好嫩，牛肚爽口彈牙，牛筋好軟好多骨膠原，面質好掛湯好滑而且因為佢既形狀特別而好有口感，個湯唔算好辣但後勁都刺激。我都幾鍾意呢度既紅燒三寶!個面加30蚊我升級左做餐，今次有蜜餞車厘茄做前菜，飲品(唔洗加錢)都有好多選擇，金羅漢果海底椰非常潤，好有味道。最後仲有草莓醬雪糕作結真係好完美。加上餐廳係北角匯近海邊既位置，可以睇住海同日落食享受晚餐，好有旅行既感覺。