力天冰室

營業中

休息中

幫襯過何文田店，近期新蒲崗開咗分店，立刻來食個晚餐。餐廳環境光猛舒適，卡位亦寛闊。晚餐比起一般茶記都幾多選擇，2人點了一人一個主食，鐵板麻辣海鮮炒烏冬及椰香焗咖哩豬扒飯，再加個小懷舊古法咕嚕蝦球。先上一碗菜干中湯，粟米去芯，又幾足料好飲。懷舊古法咕嚕蝦球，蝦球大大隻，蘸粉漿薄炸，咬落啖啖蝦肉並非炸粉。配料有菠蘿及三色椒，醇厚醬汁酸酸甜甜食落好開胃。鐵板麻辣海鮮炒烏冬，有做到我哋要求嘅走韮黃芽菜，麻辣味夠香，唔算太辣，海鮮料足，有蜆肉，尤魚及蝦等。烏冬夠煙韌，，唔會一夾就斷，每條烏冬都炒到夠味夠色水。而且用鐵板熱辣辣上，食到尾仍然好夠熱，抵讚。椰香焗咖哩豬扒飯，有一層厚厚芝士，食落拉絲，濃厚的咖哩椰香味重，配上份量滿滿的香煎豬扒及炒飯底，推介。