樂湯雞麵館 (庇利金街) (裝修中)

噚日放假上左去住喺佐敦既朋友屋企打機，大戰左6個鐘頭之後，大家都覺得好肚餓，我朋友就推介一間叫樂湯雞麵館比我地，佢話自己成日都會去買外賣同好好食的，跟住3條友就落樓去試下虛實，落到舖後未到晚飯時間唔算太多人，睇完餐牌當然叫返個鎮店之寶砂鍋花膠雞湯翅「我地一於食豪啲叫左全隻，再加每人1隻鮑魚」，同點左多款開胃小食有：1)炸魚皮 2)鹽水雞腎 3)蟲草花杞子翡翠苗 4)紅油花膠魚翅餃 5)沙薑雞腳 6) 醉豬手，我個人特別鐘意雞腎同雞脚，兩樣都好食同好入味，其他朋友都話啲小食好正，最後(大佬出場)個砂鍋花膠雞湯翅送到，品嚐過後我地一致覺得美味同足料啲雞肉好嫩口，花膠魚翅同樣掂，完勝我地早兩年喺澳門食嗰啲出名既煲仔翅，同埋呢度啲工作人員都幾親切同有禮貌，另外都留意倒都幾多人嚟幫襯買外賣的，証明附近街坊都好識食，總結我地覺得這間樂湯雞麵館絕對食得過亦都証明我地個Friend冇吹水同冇介紹錯，食完豐富又滿足既晚餐後就即刻返去個Friend屋企繼續屠龍了😂