KIN麵 (已結業)

好耐冇寫過食評，食完呢碗麵難得好有興致寫。叫左碗韓式人參走地雞湯叉燒麵，見佢廣告圖幾靚名又吸引就試下。張圖係咁，湯底顏色黃，拉麵麵質。下面係實物圖，湯極淡色，飲落冇雞冇參味，得個鹹字。麵種都唔係拉麵，係形狀扁麵似伊麵但再薄D嘅麵，口感軟爛。唔知鋪頭新開廚師新手到拎左其他麵黎煮定廣告修圖太勁變樣，畢竟雞油多到係黃色嘅人參雞湯都唔多見。總括黎講，88蚊價錢自家煮福麵水準，去7仔買杯麵食都冇咁傷心。勸大家唔好試伏，或者試之前係出餐口望下人地實物出咩再叫。不過我唔打算試下次。P.S.蛋撻是凍的。