野玩海店 (已結業)

同同事係太子放工，行過始創中心見到間店幾特別就入去試下。入面係以大自然為主題，杯都係用露營杯，而呢間分店就係以海為主題。首先叫左半打生蠔做頭盤，個set仲有送兩杯飲品，咁我地當然叫白酒配返個生蠔。生蠔都幾新鮮，而都幾肥，中等size，少少海水味，係我中意個款味道。之後叫左個周打蜆湯，佢用麵包做碗裝住d湯，個包浸住d湯吸收晒d味，好食又好飲，份量都幾多。海鮮方面，除左生蠔以外，我地叫左個波士頓龍蝦，龍蝦啖啖肉，芝士溶係面，食落去同龍蝦肉好夾。主菜分別點左一份set既肉眼扒，一個龍蝦泡菜炒飯同埋黑松露蘑菇意粉。牛扒medium rare，肉質軟熟，冇乜筋，肉味濃郁。我最中意個黑松露蘑菇意粉，黑松露好香，加上佢入面蘑菇份量十足，每一啖都咬到蘑菇，口感味道都有。