宮保 (已結業)

登龍街又有新食點，上次行過見到佢地應該係影緊 menu 相，所以就 bookmark 左，記得下次嚟試。原來係食新加坡菜，宮保粥係主打，一入店就感覺有點熱，以為自己去左新加坡🤪被安排坐喺海豚隔離，都幾可愛呀。除左海豚之外，餐廳仲有其他立體3D藝術品，都幾有心。既然主打係粥，咁我就當然要試下佢個粥啦！砂煲薑蔥宮保雞肉煲粥，你可以選飯底或者麵底，不過我就覺得個粥係正嘅，好綿，個雞煲汁又好鮮味，呢個回頭率都高，雖然少貴。另外再點了份秘製辣汁翡翠螺，size 都算大，味道不錯，不過都係幾貴。