影片
更多
2023-08-20
28 瀏覽
上星期去咗香港故宮文化博物館樓下嘅一間餐廳----下江南。呢間餐廳真係好特別同好靚，佢有好多落地玻璃，環境好明亮同舒服。而且佢嘅菜式大部分都係宮廷菜，好有特色。我睇咗下佢嘅餐牌，佢每一個宮廷菜都有介紹佢嘅來源同歷史背景。所以除咗品嚐味道，仲可以學到啲歷史知識，好有趣呢。因為我同朋友係下晝去,已經食左午餐,所以就淨係叫咗一個主食share，睇相見到酥油野雞瓜飯好似好好味,所以就叫左呢個飯, 真係無叫錯,好好味,雞扒好彈牙，鮮嫩多汁，佢配埋黃豆、紅綠椒同軟糯嘅飯粒，真係好好食。雞汁嘅濃郁雞味同香料味都好香，每啖飯都有好多層次。仲有松子同菜粒嘅配合，味道更加豐富。至於甜品，我叫咗一個慈禧太后最愛食嘅驢打滾，紫薯芋圓涼粉同雜果鴛鴦涼粉。雜果鴛鴦涼粉擺盆擺得好靚，有好多新鮮水果。底下有一層黑色涼粉同透明冰粉，黑色涼粉清爽，透明冰粉就有啲彈牙。而雙色涼粉就係兩種風味嘅結合，真係好消暑。飲品方面，我叫咗一杯凍牛奶咖啡同一杯茉莉花茶加奶蓋。凍牛奶咖啡味道正常發揮，茉莉花茶清香宜人,加上奶蓋，更加滑順同濃厚。總括而言，下江南係一間值得去嘅餐廳，環境舒適，菜式特色。佢嘅宮廷菜味道正宗，而且仲可以學到一啲歷
因為我同朋友係下晝去,已經食左午餐,所以就淨係叫咗一個主食share，睇相見到酥油野雞瓜飯好似好好味,所以就叫左呢個飯, 真係無叫錯,好好味,雞扒好彈牙，鮮嫩多汁，佢配埋黃豆、紅綠椒同軟糯嘅飯粒，真係好好食。雞汁嘅濃郁雞味同香料味都好香，每啖飯都有好多層次。仲有松子同菜粒嘅配合，味道更加豐富。
至於甜品，我叫咗一個慈禧太后最愛食嘅驢打滾，紫薯芋圓涼粉同雜果鴛鴦涼粉。雜果鴛鴦涼粉擺盆擺得好靚，有好多新鮮水果。底下有一層黑色涼粉同透明冰粉，黑色涼粉清爽，透明冰粉就有啲彈牙。而雙色涼粉就係兩種風味嘅結合，真係好消暑。
飲品方面，我叫咗一杯凍牛奶咖啡同一杯茉莉花茶加奶蓋。凍牛奶咖啡味道正常發揮，茉莉花茶清香宜人,加上奶蓋，更加滑順同濃厚。
總括而言，下江南係一間值得去嘅餐廳，環境舒適，菜式特色。佢嘅宮廷菜味道正宗，而且仲可以學到一啲歷史知識。如果你係故宮文化博物館附近，真係要嚟試下佢嘅食物同飲品啊！
張貼
