INN - I’m Not Nothing (裕民坊YM²)

營業中

休息中

以前喺九龍灣返工嘅時候經常去INN食午餐。雖然已經唔係九龍灣返工，我都有少少掛住INN，今次決定同女友去一次INN，不過係觀塘分店。INN有室內同室外座位，顏色以白色為主調，天花掛上華麗水晶燈，加上雕塑，令人感覺係宮廷入面進餐。至於戶外有花草作點綴，恍如置身法國街頭🇫🇷主菜加$38可以有飲品同餐湯，餐湯係南瓜湯，質感比較稀身，上面嘅麵包條好脆。- 黑松露配薯條薯條份量超多，非常香脆。上面灑上黑松露碎已經非常香，旁邊嘅黑松露醬令味道昇華左一個層次🥰- 油浸法國鴨髀配蜜桃砵酒汁鴨髀皮酥肉嫩，餐廳用左黑醋、紅酒及櫻桃汁煮成，味道酸甜開胃。旁邊嘅蔬菜都好好味，包括椰菜花、綠豆、蘆筍同焗薯仔粒。- 法式海鮮湯．蒜蓉蛋黃醬餐廳將呢度菜式放係’Pasta & Risotto’到，令我以為係配意粉或者飯，點知真係一大碗湯😂。入面海鮮包括青口、蜆同蝦，湯完全吸收曬海鮮精華，味道頗鹹。蒜蓉蛋黃醬配搭海鮮味道一流。湯碗既旁邊放上三片法式長棍，無論浸湯定配蒜蓉蛋黃醬都唔錯。- 牛油果奶昔飲落完全唔似牛油果，味道幾甜，好有飽肚感。整體而言，環境好出色，INN食物唔係一般大眾西餐食物，當中以油浸鴨脾最好味。