上品火鍋料理 (已結業)

夜媽媽，周圍都打晒洋，上開飯見到上品未收即刻上去，唔理好醜，醫肚要緊上品點評：食物: 麻辣湯底正, 味道夠出香料又不會過多; 火鍋配料款式夠多又夠新鮮, 牛肉拼盤食足6個部位滿足不同人喜好, 手打丸類食落彈牙有勁, 象拔蚌稍為遜色不夠新鮮爽口, 九菜餃正常無特別, 小食牛腩表面脆卜卜，肉質夠淋又入味，值得推介。環境：今晚安排坐卡位，坐得舒服環境都算乾淨企理服務： 侍應不夠主動，可能客少所以圍埋傾計多，要改善一下衛生： 食物同環境衛生都唔錯，唯獨餐具有點污漬要注意抵食：宵夜時段有優惠算係價錢合理，正價就未必會返食