大滿喜日本料理 (已結業)

幾個月前黎大滿喜食過晚上7點時段，感覺食物服務都吾錯，於是呢日又再黎回味下。打電話黎訂位時得悉晚上10點至12點有宵夜優惠，成人只需$180加一，所以我決定同幾隻貓頭鷹朋友黎食。早左少少黎，於是係門口等位，呢度有幾部入幾蚊就有得玩既夾公仔機，比客人等位時消磨下時間。成人價錢按時段收費，由$180至$230，另收加一，以旺角放題黎講，真係好抵食。野飲咩都有，而且refill都好快。粟米忌廉湯味道吾錯，而且有吾少粟米粒。刺身每樣叫少少，全部都係厚切，而且食得出係新鮮既，吾錯。壽司賣相好靚，而且材料豐富。卷物質素超高，賣相幾靚，點夾都吾散，最重要係材料味道口感都幾匹配，必叫。炸物天婦羅炸得吾錯，睇下張吸油紙就知一d都吾油。韓式炸餃子係出面拎既，但都係熱辣辣，應該因為係refill得夠快。餃子入面有粉絲同泡菜，10小辣，餡料夠多，個皮又炸到卜卜脆，我fd一人食5隻。蟹粥煲得夠錦，無味精，有粒粒粟米提味，健康之選。總括而言，呢度無論熱食定刺身壽司都屬中上評，1人二百蚊有找可以係旺角嘆到放題，怪吾知咁夜都咁旺場啦。